“İrsimiz Gələcəyimizdir” layihəsi
Layihənin məqsədi ölkəmizdə var olan ənənəvi bitki sortlarının tanıdılması, onların respublika ərazisində artırılması üçün fermerləri və sahibkarları bu sahədə fəaliyyətə təşviq etmək, bu məhsulların regional bazara çıxarıla biləcək səviyyədə istehsalına nail olmaqdır. Layihə Şəki rayonunda təşkil olunacaq. “İrsimiz Gələcəyimiz” layihəsinin hədəf qrupu Şəki rayonunda təhsil alan tələbələr və aqrar sahəyə marağı olan gənclərdir. Layihə çərçivəsində ilkin mərhələdə layihə iştirakçıları üçün UNDP əməkdaşları tərəfindən təlimlərin keçiriləcəyi nəzərdə tutulub. İkinci mərhələdə isə könüllülər səpində iştirak edəcəklər və layihənin mütəxəssiləri ilə sahələrdə monitorinq və qiymətləndirmə işlərində iştirak edəcəkləri nəzərdə tutulub.
“Fermerdən Biznesmenə” layihəsi
Layihənin məqsədi fermerlərə biznes proyektlərin tərtibi haqda məlumat vermək, fermerlərin gəlirlərini davamlı şəkildə artırılması; eyni sahə üzrə fəaliyyət göstərən müxtəlif fermerlər arasında kooperasiya yaratmaqda dəstək olmaq, fermerlərə müxtəlif ideyalar verilməsi, fermerlərə PR işinin təşkilinə töhvə verməkdir. “Fermerdən Biznesmenə” layihəsi Lənkaran, Biləsuvar, Salyan, Balakən, Quba, Masallı,İsmayıllı, Şəki, Qəbələ, Şamaxı rayonlarında baş tutacaq. Layihəni hədəf qrupu kənd təsərrüfatı sahəsində fəaliyyət göstərən və maraqlanan sahibkarlar və gənclər. Layihə çərçivəsində nəzərdə tutulmuş 10 regionda fermerlərə “Biznes proyektin yazılışı və tərtibi” mövzusu üzrə seminarlar keçiriləcək. Seminarlar zamanı fermerlərə müxtəlif ideyalar veriləcək, onların ideyaları haqqında biznes proyektin yazılışı və tərtib edilməsində köməklik göstəriləcək.
