Azərbaycan Könüllülük həftəsi təşkil olunub
5 dekabr- “Beynəlxalq Könüllülər günü” münasibətilə 1-9 dekabr tarixlərində “Azərbaycan Könüllülük Həftəsi” keçirilib. Könüllülük həftəsi çərçivəsində Aqrar İnkişaf Könüllüləri də müxtəlif faəliyyətlərdə iştirak ediblər.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin və Azərbaycan Respublikasının Gənclər Fondunun birgə təşkilatçılığı ilə reallaşdırılan “Könüllülük həftəsi” çərçivəsində ölkəmizin bütün şəhər və rayonlarında könüllülərin iştirakı ilə ekoloji, sosial və mədəni tədbirlər, Könüllülərin 2-ci Respublika Həmrəylik Forumu, onlar üçün xüsusi konsert-əyləncə proqramı, 300-dən çox könüllünün iştirakı ilə Azərbaycan könüllülərinin həmrəylik düşərgəsi və digər tədbirlər təşkil olunub.
